Biz barada

Dükanym.com — Türkmen telekeçilerine öz önümlerini internet arkaly tanatmaga, müşderilerine ýetirmäge we onlaýn söwda işlerini has aňsat alyp barmaga mümkinçilik berýän sanly söwda platformasydyr.

Biziň maksadymyz diňe bir onlaýn dükan döretmek däl. Türkmen telekeçileriniň sanly dünýäde öz işlerini ösdürmegine, täze müşderilere ýetmegine we elektron söwdanyň mümkinçiliklerinden peýdalanmagyna ýardam berjek ýönekeý, düşnükli we elýeterli platforma döretmekdir.

Dükanym-yň esaslandyryjysy Aýmyrat Babaýew, 31 ýaşyndaky telekeçi we elektron söwda hünärmenidir.

Aýmyrat Babaýew 2017-nji ýylda Türkiýede Kompýuter inženerçiligi ugrundan ýokary bilimini tamamlady. Şol ýyl hususy kompaniýada elektron söwda boýunça programma üpjünçiligini işläp düzmek bilen hünär ýoluna başlady.

2017-nji ýyldan bäri elektron söwda pudagynda dürli taslamalaryň döredilmegine, ösdürilmegine we dolandyrylmagyna gatnaşyp, şu güne çenli 8 sany professional elektron söwda platformasynda işledi.

Bu tejribäniň dowamynda ýyllyk 2 million ABŞ dollaryndan gowrak import amala aşyrýan bir kompaniýanyň elektron söwda işleriniň doly dolandyrylyşyny hem öz üstüne aldy. Häzirki wagtda hem şol kompaniýada elektron söwda boýunça dolandyryjy hökmünde işini dowam etdirýär we kompaniýanyň elektron söwda bilen baglanyşykly gündelik işlerine, ösüşine we proseslerine ýolbaşçylyk edýär.

Bu ýyllaryň dowamynda elektron söwdanyň diňe tehniki taraplaryny däl, eýsem onuň iş ýüzündäki dürli tapgyrlaryny hem öwrenmäge mümkinçilik tapdy. Platformanyň dolandyrylmagy, önüm maglumatlarynyň taýýarlanmagy, satuw prosesleri, müşderi tejribesi we elektron söwdanyň gündelik işleri boýunça toplan tejribesi Dükanym-y döretmek üçin möhüm esas boldy.

Soňky iki ýylda bolsa esasy ünsüni emeli aň tehnologiýalaryna gönükdirdi. Emeli aňyň elektron söwdada ulanylyş mümkinçiliklerini öwrenip, bu ugurda dürli çözgütleriň we täze pikirleriň üstünde işledi.

Toplanan tejribesini täze tehnologiýalar bilen birleşdirip, Türkmen telekeçileri üçin peýdaly bir platforma döretmek maksady bilen, 2025-nji ýylda Dükanym-y esaslandyrdy we öz toparyny döretdi.

Dükanym bir adamyň däl, dürli ugurlarda zähmet çekýän adamlaryň bilelikdäki işiniň netijesidir.

Toparymyz elektron söwda, programma üpjünçiligi, dizaýn, sanly tehnologiýalar we emeli aň ýaly ugurlarda öz tejribesini birleşdirip, telekeçiler üçin peýdaly we düşnükli çözgütleri döretmäge çalyşýar.

Biz özümizi hemme zady bilýän ýa-da ähli meseleleriň taýýar çözgüdine eýe bolan topar hökmünde görmeýäris. Tehnologiýa we elektron söwda hemişe ösýän ugurlar. Şonuň üçin biz hem hemişe öwrenýäris, täze zatlary synap görýäris we öz işimizi kämilleşdirýäris.

Biziň üçin iň möhüm zat — döredýän tehnologiýamyzyň telekeçiniň işine hakykatdanam peýda getirmegidir.

Elektron söwdanyň diňe uly kompaniýalar üçin däl, eýsem kiçi we orta telekeçiler, täze işe başlanlar we öz önümlerini internet arkaly satmak isleýän her bir adam üçin hem elýeterli bolmagyny isleýäris.

Telekeçi üçin onlaýn söwda çylşyrymly tehniki mesele bolmaly däl.

Şonuň üçin Dükanym-y mümkin boldugyça ýönekeý, düşnükli we amatly görnüşde ösdürýäris.

Biziň maksadymyz telekeçä diňe bir onlaýn dükan açmak mümkinçiligini bermek bilen çäklenmeýär. Biz onuň öz önümlerini has köp adama ýetirmegine, öz brendini ösdürmegine we sanly söwdada täze mümkinçiliklerden peýdalanmagyna ýardam etmek isleýäris.

Dükanym heniz ösüş ýoluny dowam etdirýän ýaş platformadyr. Öňümizde köp täze pikirler, öwrenilmeli ugurlar we ösdürilmeli mümkinçilikler bar.

Şonuň üçin ulanyjylarymyzyň pikirleri we teklipleri biziň üçin aýratyn möhümdir. Platformany diňe öz pikirlerimize görä däl, eýsem telekeçileriň hakyky zerurlyklaryna görä ösdürmäge çalyşýarys.

Her bir täze aýratynlygy döredende özümize bir sorag berýäris:

“Bu telekeçiniň işini nähili ýeňilleşdirip biler?”

Sebäbi biziň pikirimizçe, gowy tehnologiýa diňe döwrebap bolmak bilen çäklenmeli däl. Ol adamlaryň işini ýeňilleşdirmeli we olaryň ösüşine goşant goşmaly.